En onor del popol Curdo

En onor del popol Curdo

I Curdi, da secoi spartii da confins volui da etres, semper martorié e mai sotmetui, l’é per duc ejempie de dignità e amor per la libertà: i ne desmostra te anter l’auter che la democrazia, l respet per le femene e la solidarietà pel jir a una co la religion de l’Islam, contra ogne fanatism e fondamentalism.

Na giusta maniera per recordar ence la fegura de Danilo Dezulian del Garber, che ne à ensegnà a lurar sul “local” e a pissar a livel “global”.
Se sentir n picol popul, o na mendranza, no vel dir se serar egoisticamenter te si confins, ma esser solidai con duc i popui manacé e verjumé da la ingiustizia.
cit. Fabio Chiocchetti

En onor e en segn de solidarietà col popol curdo, na mendranza spartida e massacrada da 80 egn en cà sot i eies de duc, con la complizità viliaca de duc chi paìjes che se chiama depojitaries de libertà, de democrazia e de umanità.

Danilo dal Garber

“Al sudà zenza inom”
Canche na delegazion
vijita n paìsc forest
la porta na corona de fiores
su la fossa del “Sudà zenza inom”.
Se doman
ruarà na delegazion te mie paìsc
e i me domanarà:
“Olà él la fossa del sudà zenza inom?”
Gio responaré:
“Ecelenza,
su le rive de ogni ruf,
sui scialins de ogni moschea
dedant l’usc de ogni ciasa
dedant la porta de ogni gejia,
te ogni cogol,
sun ogni sas de cheste crepe,
sot ogni alber de nesc bosc’,
su ogni piz de la tera,
sot ogni becol de ciel,
no assà paura, Ecelenza,
enjeneiave alo’
e meté alo’ la corona de fiores.
(dal poet curdo Abdullah Pashew)

Publicada su La Usc di Ladins ai 17 de jené del 1998