Menu
Col sostegn finanzièl del NPLD (Network to Promote Linguistic Diversity) te l’Europa, l Comun General de Fascia à scomenzà a colaborèr con partner de Università europeènes a Bangor (Galles), te la Catalunya e tel Highlands e sia isoles te la Scozia, col obietif de tor dant e vardèr fora la percacenza de la formazion linguistica per i gregn sul post de lurier. L zil no l’é chel de valutèr i progresc di studenc, ma de vardèr a la gestion de la formazion ti lesc de lurier e veder co recognoscer la bona prateghes e se baratèr la informazions un col auter.
Descheche scrif l professor Ifor Gruffydd de la Bangor University: “In many countries, particularly in the case of lesser used languages, there are plans, regulations and even legislation in the place to ensure that the lesser used language is promoted and safeguarded in the workplace. Previous research in Wales in the public sector showed that in most cases, although language training is provided during working hours and at no cost to the employee, there is very little monitoring of progress and very little planning in place to ensure that the language skills gained are used in the workplace to serve the local people who speak Welsh.”
Donca te n muie de Paijes l’é leges e regolamenc per stravardèr i lengac manco sui lesc de lurier e tel Galles tel setor publich enceben che vegne sport formazion debant i progresc i é pec, e mencia ence na pianificazion percacenta per arsegurèr che la competenzes linguistiches vegne metudes en doura sul lurier ti raporc con i sentadins che rejona galeis. “The contribution by the Comun General de Fascia to this project à scrit amò 1 prof. Gruffydd will be very important and interesting becuase the situation with Ladin in the workplace is different to that of Welsh, Catalan and Gaelic in that Ladin skills are required prior to employment whereas the general situation in the other countries is that the languages are often learned after the employment has started.”
L dozent del Galles à volù sotrissèr l’emportanza del contribut del Comun General de Fascia per chest projet, ajache la situazion chiò da nos la é deldut desferenta da chela ti teritories olache vegn rejonà galei, catalan e gaelich. Defat te Fascia la cognoscenza tel lengaz ladin vegn domanèda per poder jir a lurèr, enveze ti etres raions la competenza linguistica vegn concostèda mingol a l’outa do aer scomenzà a lurèr. Per chesta enrescida la informazions vegnarà regoetes statisticamenter da n campion del personèl che laora tel setor publich ma ence dai responsaboi del lurier a na vida da poder meter a confront la vijion de dutes doi les pèrts.
Te la scontrèdes de confront l professor Gruffydd à amò palesà che “The project will also be an opportunity to look at what processes are in place in terms of training tutors, how the quality of the teaching and learning is ensured, as well as how teaching materials are produced and used, particularly with the advent of on-line learning after Covid-19” sotrissan donca che chest projet sarà na ocajion ence per vardèr coche vegn portà inant la formazion di tutor, coche vegn arsegurà la calità del ensegnament e coche vegn enjignà i materiai didatics, soraldut do i mudamenc emponui da la clausura per l malac. A la fin del projet, d’uton del 2022, vegnarà dat fora n raport anter i comembres del NPLD.
Aboncont l’element de maor emportanza per i cater partner sarà conscidrèr i resultac del projet e vardèr colunes che l’é la racomanazions che l é stat fat. Se spera che duc cater i partner posse troèr fora la bona prateghes te amancol un di aspec de la enrescida, a na vida che duc posse emparèr vèlch dai etres e meter a jir de neva strategies de lurier te sie contest per miorer l arcedament linguistich te anter i componenc de sie staff sul post de lurier.
Amedeo Valentini
Conseier de Procura per la cultura, l’inovazion, la politiches linguistiches e di joegn